Herbergscenterimut tikilluarit

Herbergscenteri tassaavoq utaqqiisaagallartumik inersimasunut angerlarsimaffeqanngitsunut najugaqarfiugallarsinnaasoq, aamma nakorsiartarfeeraq, inissisimavoq Amager-imi.Sundholmsvej 16 aamma 20.

Angerlarsimaffeqanngikkuit ajornartorsiutigalugu imigassamik ikiaroornartunillu atornerluineq tarnikkut ajornartorsiuteqarneq il.il Herbergscenteri immaqa utaqqiisaasumik aqqutissaasinnaavoq.

Herbergimi najugaqartutut siunnersorneqarsinnaavutit tapersersorneqarlutillu initaarnissamut ingerlariaqqinnissannut, imaluunniit allamut ataavartumik initaarnissamut. Qallunaatut oqaatsit oqaaseqqaarinngikkukkit nutserisoqarsinnaavutit.

Tikilluaqqusaavutit saaffiginninissannut sianerlutit imaluunniit takkullutit, Herbergimi qanoq ilillutit ineerartaartinneqarsinnaanerlutit itinerusumik paasisaqarfigerusukkukku, Nammineq saaffiginninissamut periarfissaqanngikkuit sullissisuppit imaluunniit nakorsarisappit allallu sullissiveqarfiit aqqutigalugit saaffiginnissinnaavutit.

Siullerpaamik Herbergimiikkuit oqaloqatiginninnikkut sulisunit, nalilersorneqassaaq Herbergimi najugaqarnissannut tulluunnersutit. tulluukkuit ineerartaartinneqarsinnaavutit, ineeqqat tamarmik ulikkaaqqanngippata, ineeqqat tamarmik ulikkaaqqappata, Herbergi allanik periarfissanik ujartuisinnaavoq.

Herbergimut tunngasut atuarsinnaavatit `Herbergi ilisaritilaarnera` qulaani allaqqasuni.

`Angerlarsimaffeqanngitsunut neqeroorutit allat` taassuma ataani paasissutissat atuarsinnaavatit, illoqarfissuuarmi.unnuisarfiit il.il.

Angerlarsimaffeqanngikkuit nakorsiartarfimmut piffissamik inniminneeqqaarnak saaffiginnissinnaavutit, niviarsianik pikkorissunik oqaloqatiginnillutit, katsorsarneqarnissannullu ikiorserneqarlutit. Nakorsiartarfik annerusumik paasisaqarfigerusukkukku allaqqasut qulaaniittut atuarsinnaavatit.